Tamang Panahon

Spoken Poetry

By EmpressMaire [Wimarie Tenorio]

Noong nagtapat ka sa akin

Hindi ko lubos akalain

Na ikaw ay matagal na palang

May pagtingin sa akin.

Hindi nagtagal, ako'y nahulog na rin

Sa bawat araw na kasama ka

Parang ayoko ng matapos pa

Ang bawat sandali

Na ako'y napapangiti.

Ngunit sadyang mapaglaro

Itong ating kapalaran

Mahal natin ang isa't isa

Pero ayaw pa ng tadhana.

Kaya kung dumating na ang araw

Na tayo'y magkalayo

Sana lagi mong baunin

Itong pag-ibig ko sayo.

Dahil hindi man tayo

Pwede sa ngayon

Sana sabay nating hintayin

Ang sinasabi nilang

Tamang panahon.